(( مرقة هنود تنقذ الموقف ))

على طاري .. النقصه والصحون المتشاوطة بمثل هذه الأيام المباركة
من شهر رمضان المبارك
تذكرت قصة طريفة حدثت لصديقي وزميلي بالعمل
صديقي هذا يعيش مع والدته لوحده هو من المضربين عن الزواج ..
وأمه إنسانة غاية بالطيبة والظرافة وخفة الدم ...
المهم تعرفون أن الناس بعد أن ينتصف رمضان الكريم يبدأون بالملل من تكرار بعض الوجبات
مابين هريس وجريش والمطبق بشقية وأنواعه .. والمرق وتشريباته
وبيت صاحبنا لاتنقطع عنه صحون القرايب والجيران كل يوم تقريباً ..
وذات يوم ومن الملل إقترح على الوالده الله يحفظها إنهم مايطبخون فطور ويكتفون باللي يجيهم من أنواع الأطايب ...
وفعلاً الحجية ماجذبت خبر و قالت للهنود ماما اليوم إحنا مانبي تطبخون فطور .. بس طبخوا أكلكم إنتوا..
..لكن المفاجأة ومن قرادة صاحبي وأمه إنهم يوم أذن المغرب
وإلا ولا صحن جايهم ... وقعدوا يطالعون باب السكة يمكن يجيهم شي لو صحن جرثي .. ع الأقل
لكن اللي صار إن القرايب و الجيران يبسوا روسهم وماطرشوا شي ذاك اليوم
وقعدت الحجية تتقرطم وتحن على صاحبنا
وما أنقذ الموقف إلا شوية عيش جاول حق الخدم و مرقة الهنود الحارة اللي ظلوا عقبها طول الليل يلاهطون ماي ولبن

للجميع
مع تحياتي وكل الود

هذي اخرته ماي ولبن وين التشريبه والدلمه اخر شي ماي ولبن
مشكور اخوي صهيب

هذي اخرته ماي ولبن وين التشريبه والدلمه اخر شي ماي ولبن
مشكور اخوي صهيب

أختنا الكريمة صمت الإحساس
شيسوون المساكين ..
لكن هم هم يتحملون المسؤولية
والمثل القديم يقول ( القرادة ما تعيل على أحد )
وإلا في أحد يفكر إنه مايسوي فطور برمضان لو باقل القليل
صمت الإحساس
شكرا لمرورك الطيب

الأخ صهب
سالفه حلوة بس المهم نتعلم درس بأن ما نعتمد على عطايا الناس وفيه مثل زبيري يقول مايحك ظهرك غير ظفرك بس الوالده الله يطول بعمرهه ذابحتني بمثل محبط دائما تقوله لي اللي هو (( جوعة الذيب برقاده ولا شبعته ببعاده ))
شكرا اخوي صهيب

الأخ صهب
سالفه حلوة بس المهم نتعلم درس بأن ما نعتمد على عطايا الناس وفيه مثل زبيري يقول مايحك ظهرك غير ظفرك بس الوالده الله يطول بعمرهه ذابحتني بمثل محبط دائما تقوله لي اللي هو (( جوعة الذيب برقاده ولا شبعته ببعاده ))
شكرا اخوي صهيب


إن شاء الله تحلا أيامك أخوي سنام
والله كلامك عين الصواب ...

حفظ الله لك والدتك الكريمة وترى هي ما قالت إلا الحكمة
أخي الكريم
أشكر لك مرورك الطيب
مع أجمل تحياتي