لاعاد تطريني ولاعاد بطريك
حبل الوصل بيني وبينك بقصّه

منيب صاير لعبتن بين اياديك
يكفي تراك اليوم بالحلق غصّه

ياكثر ماتغلط ولاقلت وشفيك
وان كنت ناسي جبت لك كم قصّه

منوّلن لبطيت روحي تناديك
وصفي انا وياك خاتم وفصّه

واليوم انا ماعاد لي رغبتن فيك
يحرم علي مثلك بحبّي اخصّه

دوّر على غيري عسى الله يهنّيك
وتلقى الذي يرفعك باعلا المنصّه

مانيب متضايق ولانيب باكيك
الله خلق بالكون مليون حصّه

هذا جوابي جاك من قلب ناصيك
واليا وصل عندك تمعّن بنصّه

ومابيك ترضيني ولاعاد برضيك
كلّن يشوف اللي بحاله يخصّه

كلام جميـــــــــــــــــــــــل

تسلمين ياذوق

أختنا القديرة سحابة

ما شاء الله

نص جميل وكلمات بقمة الروعه

سلمت يمينك أختنا سحابة

تقبلي مع التقدير

تحياتي