http://up.arb-up.com/upfiles/UU627258.gif (http://up.arb-up.com/)

صباح الانوار...على جميع اعضاء منتدانا
اخواني واخواتي
الحمد لله ان الايام هذي بدا يدخل علينا الجو البارد...وعندن اهل الزبير اكلات معينه ترتبط بالجو البارد او مثل مانقول اكلات شتويه
ومن اهم الاكلات هذي الموشه...ويازينها ايام البر والبرد ..تدفي اكثر من الفروه
خلونا نبدي بسم الله مع الصور
اول شي طبعآآآآآ الماش ينغسل ويتنقع نص ساعه

http://www6.0zz0.com/2009/11/18/05/274760711.jpg (http://www.0zz0.com)

وبعدين اللحم ولا الدياي وتصلح حتى من غير الاثنين
طبعآ يغلي الدياي ونشيل الغفو عنه ونحط عليه بصله ودارسين مطحون وبهارات مشكله وملح
http://www6.0zz0.com/2009/11/18/05/857034993.jpg (http://www.0zz0.com)

بعد مايستوي الدياي او اللحم ...اكثر من نص استوى نذب فوقه الماش ونخليه يطبخ معه الى ان يستوي شوي

http://www14.0zz0.com/2009/11/18/06/844817912.jpg (http://www.0zz0.com)

اذا استوى الماش نكب التمن فوقه ونخليه يشرب مايه

http://www13.0zz0.com/2009/11/18/06/203922132.jpg (http://www.0zz0.com)

وقبل لاينشف التمن نحط شرايح البيديان فوقه ونغطيه يستوي على البخار

http://up.arb-up.com/upfiles/Y2E26674.jpg (http://up.arb-up.com/)

وبالنهايه نفرقع زبده ...او سمنه ونرشه يافوق الجدر اذا نشف التمن او فوق الدوري اذا نجبناها

وبالاخير انا مقليه شرايح بصل وحطيتها فوقه وعوافي.........

http://www14.0zz0.com/2009/11/18/06/273807296.jpg (http://www.0zz0.com)

دقوس البيديان

بيديان نشويه على الطباخ بالطريقه هذي

http://www12.0zz0.com/2009/11/18/06/535762672.jpg (http://www.0zz0.com)

http://www13.0zz0.com/2009/11/18/06/290278424.jpg (http://www.0zz0.com)


وبعدين نقشره ونحطه بجدر
http://www13.0zz0.com/2009/11/18/06/967668344.jpg (http://www.0zz0.com)

نحطله صبار

http://up.arb-up.com/upfiles/Nal26674.jpg (http://up.arb-up.com/)

كزبره ناشفه محموسه ونطحنها

http://up.arb-up.com/upfiles/zF726674.jpg (http://up.arb-up.com/)
ونحمس ثوم مدقوق بزبده ونحطه فوقه ...نحط عليه ملح وفلفل اخضر وخليه يطبخ شوي وعوافي على قلوبكم

http://up.arb-up.com/upfiles/vJI27055.jpg (http://up.arb-up.com/)

لاتنسوني من دعواتكم

http://up.arb-up.com/upfiles/RfR27258.gif (http://up.arb-up.com/)

يا عيني ياعيني .... يادلي يادلي ( باللبناني ) على هذا الأبداع ... الله يعطيك ألللللللللللللللللللللللللف عافية.......... أنا سمنت من شوفة طبخاتك .
حفظك الله يا أختاه ..

هلا وغلا ....بالخانس
شرفت ونورت ...من غير ماتقول ياخيي معرف عننا ندوخ عند الموش والمعدس

http://sam33.jeeran.com/016.gif

الله عليج فنانتنا الغالية بنت الزهيرية

شوقتيني حيل لدقوس البيديان من زمان عنه، الوالدة الله يحفظها دايم تكمل فيه طبخة المموش

لكن اللي عندي في البيت ما يبون الا دقوس الطماط!!


تسلم ايدج اختي بنت الزهيرية
ويسلم لنا ذوقج الروعة



نوارهـ

ابداع يابنت زهيرية

يد ماتمسها النار

بارك الله فيك على نشر اكلاتنا الشعبيه
والتي لها مذاق خاص
لا يعرفها الا من جربها
شكرا مره اخرى

شكلها روعة ولذيذة

لكن تختلف عن الموشة العادية ...مطورة مع البديان

والدقوس بعد شكله مرة لذيذ

ولكن يختلف شوي عن اللي نسويه

الله لا يحرمنا منج يابنت سكتنا

تسلمين

تغريد

ماشاء الله تبارك الله اكله ولااروع تسلم ايدج =)
http://www14.0zz0.com/2009/11/20/22/513020370.gif (http://www.0zz0.com)

الأخت المبدعة بنت الزهيرية

الطبخه روعه روعه
هذا كلام مفروغ منه ..
ما شاء الله شغلك أختناالرائعه أثبت جدارته على الدوام


ال إموش لايعلى عليه بالبرد
لكن باللحم طبعاً
موش دياي هذي يديدة
بالكويت ما قد سمعت عنها ..
تسلم الأيادي وكل الشكر لجهودك
تحياتي

ال إموش لايعلى عليه بالبرد
لكن باللحم طبعاً
موش دياي هذي يديدة
بالكويت ما قد سمعت عنها ..

عمي ... كلها كم شهر وراح تتعود على المموش بالدياي
وبعدين راح تعطينا رايك فيه ... وأنا متأكد تماماً أنه راح يعجبك
لأنه من إيد ((؟؟!!))

شكراً للأخت بنت الزهيرية

ال إموش لايعلى عليه بالبرد
لكن باللحم طبعاً
موش دياي هذي يديدة
بالكويت ما قد سمعت عنها ..

عمي ... كلها كم شهر وراح تتعود على المموش بالدياي
وبعدين راح تعطينا رايك فيه ... وأنا متأكد تماماً أنه راح يعجبك
لأنه من إيد ((؟؟!!))

شكراً للأخت بنت الزهيرية


****
ونحن بالليالي العشر العظيمة
إن شاء الله ببركة هذه الأيام المباركة الطيبة
أقول .. آمين آمين آميييين
الله يسمع منك عمي
ربي لايحرمني طيبتكم يالغالين
تسلم عمي بوحمد
تحياتي

بس لاتنسى عمي أن تعزمني عليه
وعلى الرغم من أني لاأتناول الدجاج ، لكن القعده معاك على الأكل
تستحق منا تحمل المشقات

المشرفة الروعه بنت الزهيرية

هالطبخة مبينه من شكلها وطريقتها روعه وإن شاء الله برجع لكل الطبخات
و الله يعين أم العيال كل شوي بوريها طبخة من هالطبخات

مشكوره بنت الزهيرية و تسلم الأيادي اللي طبخت وكتبت
ويالله شدو الحيل نبي من طبخاتنا العتيجة اللي تطيب الخاطر

والسلام عليكم

ياهلا وغلا بكل من مر وعلق
الساعه المباركه بالكل والجميع
وان شاء الله القادم احلى
بس لاتنسونا من دعواتكم