طولت عليكم أدري قتلكم البرد بس لا يضيق صدركم اليوم الهواء بارد جدا
وأنا جايبتلكم ((الشلة)) أدفيكم ..............يالله حيهم أقلطو . الشلة * *
المقادير :

1-نص ك لحم غنم والأ على كيفكم اللي تفضلونه .
2-ماش مجروش 2 كاس .
3-رز من أي المسميات اللي بالسوق بسمتي بنجابي اللي موجود في مطبخكم .
3- سلق باقة صغيره مفروم ناعم .
4-زيت 2/1 (نصف كاس)
5-دبس
6-سمن من الطيب
7-ماء
8-بهارات وملح

الطريقة:

-نغسل اللحم ونضع عليه ماء للسلق كميه أكثر من النص .وبعد انتهاء نصف مدة السلق
نأخذ نصف ماء السلق .
نضع السلق المفروم بعد أستوى اللحم ونضع البهارات ثم نحمس جيدا ((حمس من قلب))
ثم نضيف ماء السلق اللي أخذناه على اللحمة +الماش حتى يسلق قبل الرز لانه
يحتاج مدة أكثر من الرز لينضج...........
وبعد ما نختبر حبة الماش ونشوفها نص نضج نضع الرز على الماش ونزيد على ماء السلق
بأضافة الماء الحار يغطي الرز والماش بكثير .الكمية التي تكفي لنضج الأثنين.
ونتركة ينضج ويصير ذائب مثل حبة الهريس وما ننسى نضيف الملح مع اللحم .
بعد ماينضج يوضع في صحن عميق وتسخن السمنة وترش على وجه الشله ويعمل
حفرة بالوسط ويصب فيها الدبس ....وتقدم ساخنة جدا مع برد الشتاء ؟.

عاد لا تنسون تعزموني أذا سويتوها ..
(( وبالهناء والعافية وطبق جديد أخر))


تحياتي/أختكم قلة حيله

عساك على القوه وايدينك ماتمسها النار ياقلة حيله

مشرفتنا الكريمة قلة حيلة

ماشاء الله ..
طبخة شتوية روعه يـت بوكتها .. البرد إشتغل عدل
ويبيله من هالطبخات اللذيذة للدفا ...
اي يامعودة حيل زيدينا من طبخاتك السنعة
بلا ريجيم بلابطيخ ألزم ماعلينا الحين التدفي المربعانية السنة جايدة

أختناالفاضلة
تسلم الأيادي ..حافظك ربي لغالينك

مع أطيب تحياتي

ياسلام ياقلة حيلة

حيا الله اهل زبير وطبخات اهل زبير
ماجذب من قال سنع ومنع
اي هذي الطبخات الشتوية .المقاومة للبرد

تسلم ايدج يا بنت زبير على كل هالخير

مشكورة على هالهدية
ولك السلام لنفسك الزكية

أبوشاهين

* * من مطبخي * *

(((عاد يكافي يافشلتي ودي أني صج مغديتكم والا معشيتكم)))

شكرا لردودكم الذوق وأنتم تأمرون أمر اللي تبونه أنا حاضره .......بس أن شاء الله
أعرفه وأبشرو اللي ماأعرفه أسال الأولين عنه ومالكم الأ طيب الخاطر.
وأن شاء الله اللي عقبها العصيدة بس خل الربع يشبعون من الشلة أول وبالعافية .

&& المطبخ مطبخكم وحنا تحت أمركم &&

تقبلوا تحياتي /قلة حيله

تسلم ايدينج قله حيله

تسلمين يابعد جيدي (( ياجود ))

واللي تشتهون أبد أقدمة لكم وشكرا على مرورج ي قلبي

تحياتي /قلة حيله

ماشاءالله شله مره وحده ,,

مشاركه رائعه ,,

يعطيك العافيه وسلمت يدينك يالغاليه ,,

وعساك ع القوة ,,

الشكر لك يالسديم على مرورك وتواجدك المتواصل معنا
شكرا عزيزتي وأبد حنا برسم الخدمة وتحت أمركم

تقبلي تحياتي / قلة حيله

جميلة تلك الوصفات
لكن جربتها مرة واحدة بحياتي ولن اعاود تجربتها لأن معدتي لم تصتصيغها وأنا أحترم معدتي ورأيها :p

شكرا عزيزتي :)

شكرا ياعزيزي على التعليق وأكثر ما عجبني أحترامك لمعدتك مو خوفك عليها
بس هم تدلل وشتبي معدتك أسويلها من الطبخات.
وتقبل تحياتي وأحتراماتي

قلة حيله[